पुस १३, २०७२- संस्कृति, पर्यटन तथा नागरिक उड्ययन मन्त्री आनन्दप्रसाद पोखरेलले दुई महिनाभित्र पोखरा अन्तर्राष्ट्रिय बिमानस्थल शिलान्यास गर्ने प्रतिबद्धता जनाएका छन् ।कास्की एमालेले आज विहान पार्टी कार्यालयमा आयोजना गरेको अन्तक्र्रिया कार्यक्रममा बोल्दै मन्त्री पोखरेलले त्यसको लागि काम अघि बढिसकेको जानकारी दिए ।
उनले पोखरालाई पर्यटकीय हब बनाउन आफूले सोचेको १५ वटा योजनासमेत पेश गरे । उनको योजनामा पोखरामा चक्रपथ बनाउने, सिद्धार्थ–यशोधा पार्क बनाउने, म्युजिकल झाँकी बनाउने, अन्तर्राष्ट्रिय सम्मेलन केन्द्र बनाउनेलगायतका बुँदा थिए ।
उनले आज विहान पोखरा अन्तर्राष्ट्रिय बिमानस्थल निर्माण स्थलको अवलोकन गरेका थिए । मन्त्री पोखरेल पोखरामा आजदेखि सुरु हुने ५ दिने पोखरा महोत्सवको उद्घाटन गर्न आएका हुन् ।
No comments:
Post a Comment