१. डेभिड बेकह्याम
सूचीको पहिलो स्थानमा बेलायतका फुटबल खेलाडी डेभिड बेकह्याम छन् । सन् १९७५ मे २ मा जन्मिएका बेकह्याम आफ्नो समयका नम्बर १ फुटबल खेलाडी मानिन्थे । गायिका भिक्टोरियासँग विवाहित बेकह्यामका चार सन्तान छन् । हाल उनी युनिसेफका लागि मलेरिया विरुद्धको सद्भावना राजदूतका रूपमा कार्यरत छन् ।
२. जस्टिन टिम्बरलेक
अमेरिकाका गायक तथा गीतकार जस्टिन टिम्बरलेक कामुक पुरुषहरूको यो सूचीको दोस्रो स्थानमा छन् । कुनै बेला भड्किलो पहिरन र लभ अफेयरका कारण चर्चामा रहने टिम्बरलेक ३१ जनवरी १९८१ मा जन्मिएका हुन् । हलिउड नायिका जेसिका वेलसँग विवाहित टिम्बरलेक १ सन्तानका पिता हुन् ।
३. रिड स्कट
हलिउड चलचित्रका अभिनेता अमेरिकाका रिड स्कट कामुक पुरुषहरूको यो सूचीको तेस्रो स्थानमा छन् । सन् १९७७ नोभेम्बर १९ मा जन्मिएका स्कट माइ ब्वाइज, भिप, द बिग सी जस्ता चलचित्रबाट चिनिएका हुन् । स्कटले हलिउड नायिका एल्पेथ केलरसँग विवाह गरेका छन् ।
४. इद्रिस एल्बा
कामुक पुरुषहरूको सूचीको चौथो स्थानमा बेलायतका कलाकार तथा डिजे इद्रिस एल्बा छन् । दर्शकहरूको मनोविज्ञान बुझेर स्टेज प्रस्तुति दिन सक्ने डिजेका रूपमा ख्याति कमाएका एल्बा सन् १९७२ सेप्टेम्बर ६ मा जन्मिएका हुन् । दुईपटक विवाह गरेर दुवैपटक पारपाचुके लिएका एल्बा अलग–अलग पत्नीका १ छोरी र १ छोराका पिता हुन् ।
५. साम ह्युगन
सूचीको पाँचौं स्थानमा स्कटल्यान्डका स्टेज कलाकार साम ह्युगन छन् । सन् १९८० अप्रिल ३० मा जन्मिएका साम ह्युगन रंगमञ्चमा सजीव अभिनयका लागि कहलिएका कलाकार हुन् । ह्युगन अहिलेसम्म अविवाहित नै छन् । उनका योङ अलेक्जेन्डर द ग्रेट र हर्ट अफ लाइटनेस जस्ता नाटक चर्चित छन् ।
६. जस्टिन थेरोक्स
छैटौं स्थानमा हलिउड अभिनेता, निर्देशक तथा पटकथा लेखक जस्टिन थेरोक्स छन् । सन् १९७१ अगस्ट १० मा जन्मिएका थेरोक्स हलिउड नायिका जेनिफर एनिस्टनसँग विवाहित छन् । चार्लिज एन्जेल्स तथा जुल्यान्डर उनका चर्चित चलचित्र हुन् ।
७. चार्ली हन्नाम
बेलायतका चलचित्र कलाकार तथा पटकथा लेखक चार्ली हनाम यो सूचीको ७ औं स्थानमा छन् । सन् १९८० अप्रिल १० मा जन्मिएका हनाम च्यानल–४ बाट प्रसारित हुने टेली ड्रामामा गरिने अभिनयका लागि कहलिएका छन् ।
८. जुसी स्मलेट
कामुक पुरुषहरूको यो सूचीको ८ औं स्थानमा हलिउड अभिनेता जुसी स्मलेट छन् । यहुदी पिता र अफ्रिकी आमाका सन्तानका रूपमा १९८३ जुन २१ मा जन्मिएका स्मलेट चलचित्रमा एम्पायर जमाल लियोन नामक पात्रको अभिनयका लागि चर्चित छन् । त्यसबाहेक उनी गायक तथा गीतकारका रूपमा समेत प्रसिद्ध छन् ।
९. ज्याक गिलेनहिल
ब्रोकब्याक माउन्टेन, द डे आफ्टर टुमारो जस्ता चर्चित हलिउड चलचित्रका नायक ज्याक गिलेनहिल यो सूचीको नवौं स्थानमा छन् । १९८० डिसेम्बर १९ मा जन्मिएका गिलेनहिल आफ्नो लभरब्वाय इमेजका लागि चर्चित छन् । गिलेनहिलसँग हलिउड नायिका क्रिस्टेन डस्ट, रिज वेदरस्पुन, गायिका टेलर स्वीफ्ट तथा एलिसा मिलरको नाम जोडिइसकेको छ । हाल गिलेनहिल मोडल एमिली डिडान्टोसँग डेट गरिरहेका छन् ।
१०. निक जोनास
प्रसिद्ध जोनास ब्रदर ब्यान्डका सदस्य निक जोनास यो सूचीको १० औं स्थानमा छन् । १९९२ सेप्टेम्बर १६ मा जन्मिएका जोनास गायक, गीतकार, अभिनेता तथा मोडलका रूपमा सु–परिचित छन् । सन् २०१२ की मिस युनिभर्स ओलिभिया कुल्पो तथा गायिका डेल्टा गुडरेमसँग डेट गरिसकेका जोनास अहिले नयाँ गर्लफ्रेन्डको खोजीमा छन् ।
No comments:
Post a Comment